Makmanolah hidup mak ini di Canberra, apolagi kalo lagi dak begawe..pening nian mekerin sewo rumah, makan, belom lagi bayar lestrek, aer. pening nian pokoknyo..Tapi makmano lagi lah, pelok i baelah sampe dimano. Yang penting tetap usaha nak cari gawean apo baelah yang penteng halal.
Tapi pecak mak ini hari, gawean nampaknyo semakin lamo semakin sulit mongken bae karena sudah banyak uwong di Canberra mak ini. Sudah banyak aku jumpo uwong korea, uwong mano baelah pokoknyo dari kawasan Asia begawe di sektor informal alias Casual employee.
Insya Allah, Januari 2013 ini, aku bisa begawe lagi..dulu pernah aku begawe di hotel, tapi mak itulah banyak yang cari muko samo supervisor jadinyo aku keno cut. Tapi aku ikhlaske baelah siapo yang nejekke aku di depan supervisorku..Mungkin mak itulah caro dia supayo tetap betahan di hotel itu. Maklumi baelah..Yang penting tetap usaha cari gawe dimano baelah dan posisi apo baelah..
Aku dah cubo kerem application banyak-banyak lewat email tapi belum jugo ado yang bales email, anda layak dapat bintang..sorry maksudnyo ado balasan email kalo aku disuruh dateng ke interview. Tapi itulah banyak terimo penolakan bae. Kadang beken kecewa jugo tapi makmanlah pelok i baelah sampe dimano.
Mau di paksoke dak biso jugo jadi goyori baelah. Insya Allah keberkahan hidup masih ado. Yang penting tetap usaha, semangat dan berdoa.
Canberra, 25 December 2012
No comments:
Post a Comment