I mak dingin nian pagi ini , tanggal 25 december 2012, dari kemaren cuaco masih mak itulah, mendong bae. Cuaco dingin, cucian dak kering, jadi males nak keluar rumah. pengennyo nak kelonan bae di tempat tidok..
Oiii jangan meker macem-macem dulu..ngeloni bantal golinglah biar anget deket.
Pagi tadi aku keluar rumah dan sepi nian jalan pagi ini, mungkin karena ini hari lebor jadi males uong nak keluar rumah, apolagi cuaco mendokong nian untuk membuat uwong males bangun dari tempat tidok. Tadi aku keluar ngisi banyu untuk mobel , karena sudah res nian, sekalian nganter bini aku ke kantornyo.
Aku jingok nian dak katek uwong keluar dan hanyo beberapo uwong bae yang tinggal di sano. Dak nyangko beberapa hari ini dingin nian..Makmano tahun baru kagek apo dingin jugo dak..Aku bae mak ini menggigil nian, pengen rasonyo pake selimut ato pake jaket tapi males nian nak balek ke kamar aku.
Dingin-dingin mak ini pengen nian makan model, tapi dak katek pulo yang jual model ato tekwan di sini. Ado si ado tapi biso dikatoke jarang..harus pandai-pandai ngegarinyo. ato pesan dulu samo yang jual. tapi dak biso sekarang..lagi pengen mak ini. kalo di Palembang, pas kepengen , pegi bae ke pasar, pasti ado jam mak ini, uwong jual model tahu. Tapi dak apolah kagek aku nak makan roti baelah..maklum mang..khan dah jadi uwong bule jadi makanannyo biasonyo roti..
Dahlah goyori baelah dingin mak ini, makam roti atau makan mie biso bae kagek nak kumasakke. Kalo kepengen jugo yo masak baelah..tapi lemak kalian yech kalo di Palembang..jam mak ini banyak yang jual model kalo di sini toboh dak tahu nak nggari kemano..
No comments:
Post a Comment